[ zurück ]
Montag, 03. Januar 2011, 07:07 Uhr
Uff gut Pälzisch
Mer sinn sefreere
E äächnes Haisel hämmer nit
- mer wohnen noch in Miet.
E Auto kääfe uff Kredit ?
- Ma wääß, waß uns do blieht !
Mer planzen unser Gäärtel ei´,
im Stall, do steht e Wutz,
im Keller licht e Fässel Wei´
- deß leer´ mer rutz un butz.
Mer nämmen´s Lääwe wie sich´s gitt,
grad wie´s em Herrgott gfallt,
un alles annre steert uns nit
.. mer sinn sefreere halt !
( Gerd Runck, Pfälzischer Heimatdichter )
Kommentare:
Es sind noch keine Kommentare vorhanden.
Admin-Login | Script by Alex