[ zurück ]
Mittwoch, 26. Oktober 2011, 07:44 Uhr
Manchmol ( von Gerd Runck )
manchmol
sähn ich e zippelche
vun ämme gedicht
mirre uffem wääch liche,
e paar gedankesplerrer
d´quääch nabschwimme,
schnapp ich
uffem wochemaijk
e paar wortfetze uff,
wu mich
uff e idee bringen
un manchmol
flarrert drauß vor meim fenschder
e wilddaub
vum goethepaijk driwwe uff,
loßt e ferrer falle
un sch....wupp! fort esse!
( Siegergedicht vom Bockenheimer Mundartdichter-
Wettstreit 2011 )
Kommentare:
bienefritz, Mittwoch, 26. Oktober 2011, 08:13 Uhr
Liewer Gerd,
a´la bonneer zu deim neie mäschderschdick in Bockenem.
Herzlich
Fritz
Admin-Login | Script by Alex